قبيلة التنجر العربية T.N.G
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

نصائح أم سودانية لابنتها

3 مشترك

اذهب الى الأسفل

نصائح أم سودانية لابنتها Empty نصائح أم سودانية لابنتها

مُساهمة  Ibrahim.Sulieman الثلاثاء مايو 29, 2012 2:03 am




نصائح أم سودانية لابنتها





يا بت هوي فتحي عينك وابقي نجيضة وفالحة .....



قدر ما أجي داخله عليكم القاكي .... هي هي هي .... و قر قر قر ...... تضحكي مع عبد الله دا....



الراجل ما تضحكيلو كتير.....



يسعلني الله بعدين يحقر بيك....



الراجل اديهو العين الحمرا.



وان قدرتي لعند ايدك تلحقيها ليهو لحقيها...



ابقي نجيضة.....



آآي ..... زي امك......



الله بسعلني وقت ابوكي يقول حاجة تضحك....



امشي اتحشر في الاوضة واضحك زين واجي مارقة صارة وشي....



وبعدين اوعك وأوعك وبعدين تااااني اوعك... تقوليلو الجلابية دي سمحة ولا العمه اللابسها دي سمحة...



نفسو تقوم تعجبو يعرس فوقك.... وبعدين تشربي ما تروي....



واكربيهو بالطلبات.... اوعي تخلي لك قرش يبيت في جيبو...



واوعك تخليهو يشوف.ال...... بيخربن الرجال



وقت المسلسل داك يبدا جيبي فندكك واقعدي دقي أي حاجة جنبو ... ويا ريت لوكانت شطة...



ولا كان شافعك جيعان وداير يرضع وبيبكي خليهو في بكاهو داك لمن المسلسل ينتهي....



وبعدين ما يجى داخل يلقاكى تغنى ...



حتى ان بقيتي دايرة تغني اوعك من الغنا الخايس ناس حبيبي حبيبي ....



امسكي في الغنا الحار زي "البيجري مصيبتو و مرتو طلقانة" ولا "اندب حظي"



ولا "دفاعنا الشعبي ياهو ديل" ولا "النار ولعت بقلبي بطفيها".....



اااااااااااي..... عشان تربيلو الزلعة .....والخلعة....



بس اوعك تغني "لو الليلة يوم الرجال"....



بيقوم يصدق و يتحنفش فوقك ساكت........



واوعك تشكريلو حاجة جابها....



ان جاب لك لحم، ختي ايدك فوق راسك وقوليلو:



ووب علي ووب علي ووب علي، غشوك وادوك الجلافيط .....



وان جاب لك فتيل ريحة اول ما تفتحيهو وتشميهو طوالي كشري وقبلي غادي وابزقي



قوليلو: دا شنو يا عبدالله؟......



الريحة المتل ريحة الفسيخ دي جايبها من وين؟



غايتو انت مغستك تقد.......



وان جنك نسوان ولا بنات....ما تخليهو يقعد وسطن....ويتونس.....



طيريهو من البيت....



وان ابى يمرق... قدر ما يقول ليو نكته ولا يخفف دمو قدامن صري ليهو وشيك....



وقوليلو: انت يا عبد الله ما عندك غير النكتة دي؟



يا خي عملت لينا بيها وجع ... وش......



اصلهم الرجال عارفاهم ...



الواحد فيهم لمن يشوفلو لمت بنات يقعد يخفف في دمو ويعمل فيها ودنفاش.....



وتلقيهو يضحك بلا سبب...



حتى ان واحدة قحت ساكت ...



يقعد يضحك ويصفق ايديهو....



واوعك تخليهو معاهن وتدخلي المطبخ تسوي ليك شربات .....



وحاتك بنات الزمن ديل كان ختيتي راجلك دقيقة،،،

تلقيها عرستو!!!
Ibrahim.Sulieman
Ibrahim.Sulieman

المساهمات : 23
تاريخ التسجيل : 22/04/2011
الموقع : www.facebook.com/ibrahimsya

الرجوع الى أعلى الصفحة اذهب الى الأسفل

نصائح أم سودانية لابنتها Empty رد: نصائح أم سودانية لابنتها

مُساهمة  سارة محمد المهدي الإثنين يونيو 18, 2012 4:32 am

والله البتمشي بالنصيحه دي تلقي نفسها في بيت ابوها علي طوال من غير رجعة Very Happy
سارة محمد المهدي
سارة محمد المهدي

المساهمات : 12
تاريخ التسجيل : 26/11/2010
العمر : 39
الموقع : الخرطوم - اركويت

الرجوع الى أعلى الصفحة اذهب الى الأسفل

نصائح أم سودانية لابنتها Empty رد: نصائح أم سودانية لابنتها

مُساهمة  ابراهيم صلاح الدين السبت سبتمبر 08, 2012 7:27 am

Laughing الكلام ده من بيت الكلاوي زي ما بقولو صحيح في امهات كتار جدآ بفتكرو انهم كده بسعدو بناتم لاكنهم للاسف كده بخربو ليهم بيتوم

ابراهيم صلاح الدين

المساهمات : 1
تاريخ التسجيل : 08/09/2012

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى